കുമ്പള(www.mediavisionnews.in): ഒരു പുരുഷായുസ്സ് മുഴുവന്‍ ന്യുനപക്ഷ പിന്നോക്ക ജനവിഭാഗത്തിന്റെ പുരോഗതിക്കായി പ്രവര്‍ത്തിക്കുക വഴി തുളുനാടിന്റെ മണ്ണില്‍ ജനഹൃദയങ്ങളില്‍ മായാതെ കിടക്കുന്ന മര്‍ഹൂം ചെര്‍ക്കളം അബ്ദുല്ലയുടെ നാമധേയത്തില്‍ സാന്ത്വനം വാട്‌സ്ആപ്പ് കൂട്ടായ്മ്മ മഞ്ചേശ്വരം മണ്ഡലത്തിലെ തീരദേശ പ്രദേശത്ത് നല്‍കുന്ന കുടിവെള്ള പദ്ധതിയുടെ ഉദ്ഘാടനം കുമ്പള കോയിപ്പാടിയില്‍ വെച്ച് കുമ്പോല്‍ സയ്യിദ് ഷമീം തങ്ങള്‍ നിര്‍വ്വഹിച്ചു.
മണ്‍മറഞ്ഞു പോയ നേതാക്കന്മാരുടെ ത്യാഗോജ്വലമായ ജീവിത പാത വരും തലമുറകള്‍ മാതൃകയാക്കണമെന്നും ചെര്‍ക്കളത്തിന്റെ പേരില്‍ തീരദേശ മേഖലയ്ക്ക് നല്‍കുന്ന കുടിവെള്ള പദ്ധതി എന്തുകൊണ്ടും അഭിനന്ദനാര്‍ഹമാണെന്നും ഷമീം തങ്ങള്‍ അഭിപ്രായപ്പെട്ടു.
സാഹിര്‍ യഹ്യ തളങ്കര, കല്ലട്ര മാഹിന്‍ ഹാജി എന്നിവര്‍ മുഖ്യാതിഥികളായിരുന്നു. എം. അബ്ബാസ് അധ്യക്ഷത വഹിച്ച ചടങ്ങില്‍ അഷ്റഫ് കര്‍ളെ സ്വാഗതം പറഞ്ഞു. മഞ്ചുനാഥ ആല്‍വ, നാസര്‍ ചെര്‍ക്കളം, സയ്യിദ് ഹാദി തങ്ങള്‍, അന്‍വര്‍ സാദത്ത് ഹനീഫ് ടിആര്‍, സത്താര്‍ ആരിക്കാടി, ഇര്‍ഷാദ് മൊഗ്രാല്‍, നിയാസ് മൊഗ്രാല്‍, സിദ്ദിഖ് ദണ്ഡകോളി, ജംഷി മൊഗ്രാല്‍, ഹനീഫ് കോയിപ്പാടി, കെഎം അബ്ബാസ് ബിഎ റഹ്മാന്‍ എന്നിവര്‍ സംബന്ധിച്ചു. അസിസ് കളത്തൂര്‍ നന്ദി പറഞ്ഞു.