ന്യൂദല്‍ഹി: (www.mediavisionnews.in): വരുന്ന ലോക്‌സഭാതെരഞ്ഞെടുപ്പില്‍ ബോളിവുഡ് താരം അക്ഷയ് കുമാര്‍ അമൃത്‌സറില്‍ ബി.ജെ.പി സ്ഥാനാര്‍ഥിയായി മത്സരിക്കുന്നു എന്ന അഭ്യൂഹത്തിന് വിരാമം. മത്സരിക്കുന്നില്ലയെന്നായിരുന്നു താരത്തിന്റെ മറുപടി. രാഷ്ട്രീയം തന്റെ അജണ്ടയല്ലെന്നും അദ്ദേഹം പറഞ്ഞു.
‘രാഷ്ട്രീയം തന്റെ അജണ്ടയല്ല. സിനിമയിലൂടെ ഞാന്‍ എന്തൊക്കെ ചെയ്യുന്നുണ്ട് അത് രാഷ്ട്രീയത്തിലൂടെ എനിക്ക് ചെയ്യാന്‍ കഴിയില്ല.’
അക്ഷയ് കുമാര്‍ പറഞ്ഞു.
പ്രധാനമന്ത്രി നരേന്ദ്രമോദി ശനിയാഴ്ച്ച മേം കി ചൗകിദാര്‍ ക്യാമ്പയിനില്‍ അക്ഷയ് കുമാറിനെ ടാഗ് ചെയിതിരുന്നു. നിമിഷങ്ങള്‍ക്കകം തന്നെ അക്ഷയ് കുമാര്‍ താരത്തിന് മറുപടിയും നല്‍കിയിരുന്നു.
രാഹൂല്‍ഗാന്ധിയുടെ പ്രശസ്തമായ ‘കാവല്‍ക്കാരന്‍ കള്ളനാണ്’ എന്ന പ്രയോഗത്തെ മറികടക്കാന്‍ പ്രധാനമന്ത്രി നരേന്ദ്രമോദി ആരംഭിച്ചതാണ് മേം ഭീ ചൗക്കീദാര്‍ ക്യാമ്പയിന്‍. ക്യാമ്പയിനില്‍ നിരവധി നേതാക്കല്‍ ട്വിറ്ററില്‍ പേരിനൊപ്പം ചൗകിദാര്‍ പ്രയോഗം ചേര്‍ക്കുകയായിരുന്നു.