ഉപ്പള(www.mediavisionnews.in): ഉപ്പളയില്‍ ട്രെയിന്‍ തട്ടി മരിച്ചയാളെ ഇനിയും തിരിച്ചറിഞ്ഞില്ല. ഇന്നലെ രാവിലെയാണ് ഉപ്പള റെയില്‍വേ സ്റ്റേഷന് സമീപത്തെ ട്രാക്കില്‍ മൃതദേഹം കണ്ടെത്തിയത്. നീലനിറമുള്ള ജീന്‍സ് പാന്റ്‌സും റോസ് നിറത്തിലുള്ള ഷര്‍ട്ടുമായിരുന്നു വേഷം. മൃതദേഹത്തിന്റെ തല വേര്‍പ്പെട്ട് തെറിച്ചു പോയിരുന്നു. തല കണ്ടെത്താത്തതിനാല്‍ ആളെ തിരിച്ചറിയാന്‍ കഴിഞ്ഞിട്ടില്ല. മൃതദേഹം മംഗല്‍പാടി താലൂക്കാസ്പത്രിയിലേക്ക് മാറ്റിയിട്ടുണ്ട്. തിരിച്ചറിയുന്നവര്‍ മഞ്ചേശ്വരം സ്റ്റേഷനില്‍ വിവരം നല്‍കണമെന്ന് പൊലീസ് അറിയിച്ചു.