കാസര്‍കോട് (www.mediavisionnews.in) : ജില്ലാ ക്രിക്കറ്റ് അസോസിയേഷന്‍ സംഘടിപ്പിക്കുന്ന ജില്ലാ ക്രിക്കറ്റ് ലീഗില്‍ ബി ഡിവിഷനില്‍ ഇഖ്‌വാന്‍സ് അടുക്കത്ത്ബയലിന് കിരീടം. ഞായറാഴ്ച കെസിഎ സ്റ്റേഡിയത്തില്‍ നടന്ന ഫൈനല്‍ മത്സരത്തില്‍ 83 റണ്‍സിന് സ്പോര്‍ട്ടിംഗ് നെല്ലിക്കുന്നിനെയാണ് ഇഖ്‌വാന്‍സ് പരാജയപ്പെടുത്തിയത്.
ആദ്യം ബാറ്റുചെയ്ത ഇഖ്‌വാന്‍സ് 37 ഓവറില്‍ 9 വിക്കറ്റ് നഷ്ടത്തില്‍ 193 റണ്‍സെടുത്തു. സാജുദ്ദീന്‍ 55 (45) റണ്‍സെടുത്ത് പുറത്താകാതെ നിന്നു. നെല്ലിക്കുന്നിന്റെ ഗുരുദത്ത 3 വിക്കറ്റ് നേടി.
മറുപടി ബാറ്റിംഗിനിറങ്ങിയ നെല്ലിക്കുന്നിന് 110 റണ്‍സ് നേടാനേ കഴിഞ്ഞുള്ളൂ. ഗുരുദത്ത 22 റണ്‍സും ഇഖ്‌വാന്‍സിന്റെ സമദ് 3, ഗുല്‍സാര്‍ 3 വിക്കറ്റും നേടി.
വിജയികള്‍ക്ക് കാസര്‍കോട് മുനിസിപ്പല്‍ മുന്‍ ചെയര്‍മാന്‍ ടി.ഇ. അബ്ദുല്ല ട്രോഫികള്‍ വിതരണം ചെയ്തു. ജില്ലാ ക്രിക്കറ്റ് അസോസിയേഷന്‍ ഭാരവാഹികളും ടൂര്‍ണ്ണമെന്റ് കമ്മിറ്റി അംഗങ്ങളും ചടങ്ങില്‍ സംബന്ധിച്ചു.