ദില്ലി(www.mediavisionnews.in): സാരിഡോൺ ഗുളികകൾ വിൽക്കുന്നതിനെതിരെ ഏർപ്പെടുത്തിയിരുന്ന വിലക്ക് സുപ്രീം കോടതി നീക്കി. നിരോധിക്കപ്പെട്ട വേദനസംഹാരികളുടെ കൂട്ടത്തിൽ ഉൾപ്പെടുത്തിയതാണ് ഏറെക്കാലമായി വിപണിയിൽ ഉണ്ടായിരുന്ന സാരിഡോണിന് തിരിച്ചടിയായത്.
2018 സെപ്റ്റംബറിലാണ് ഈ ഗുളികകളുടെ ഉല്പാദനവും വിതരണവും വില്പനയും കേന്ദ്ര സർക്കാർ നിരോധിച്ചത്. ഇതിനെതിരെ സാരിഡോൺ നിർമ്മാതാക്കളായ പിരമൽ എന്റർപ്രൈസസ് ലിമിറ്റഡ് നൽകിയ ഹർജിയിലാണ് സുപ്രീം കോടതി ഉത്തരവ് പുറപ്പെടുവിച്ചത്. സെപ്റ്റംബറിലാണ് സുരക്ഷയുടെ പേരിൽ 328 മരുന്നുകൾ കേന്ദ്ര സർക്കാർ നിരോധിച്ചത്. ഈ ലിസ്റ്റിൽ സാരിഡോൺ ഉൾപ്പെട്ടിരുന്നു.
രാജ്യത്തെ ഒമ്പത് ലക്ഷത്തിൽപരം കടകളിൽ ഈ ടാബ്‌ലെറ്റ് വിതരണം ചെയ്തിരുന്നു. ഓരോ സെക്കന്റിലും 31 സാരിഡോൺ വീതം വില്പനയായിരുന്നു.