ദുബൈ (www.mediavisionnews.in) : മംഗൽപ്പാടി പഞ്ചായത്ത് കെ.എം.സി.സി സംഘടിപ്പിക്കുന്ന ഗ്രാന്റ് മീറ്റ് 2019 ഫെബ്രവരി 1 വെള്ളിയാഴ്ച ദുബൈ അമിറ്റി സ്‌കൂൾ ഗ്രൗണ്ടിൽ നടക്കും. കുടുംബ സംഗമം, സോക്കർ ലീഗ്, കുരുന്നുകൂട്ടം, മുതലായ വ്യത്യസ്ത മത്സരങ്ങളോട് കൂടെ നടക്കുന്ന പരിപാടിയുടെ ഒരുക്കങ്ങൾ പൂർത്തിയായതായി സംഘടകർ അറിയിച്ചു.
നാട്ടിൽ നിന്നും നിരവധി നേതാക്കളാണ് സംഗമത്തിൽ സംബന്ധിക്കാൻ എത്തുന്നത്. സാംസകാരിക, ജീവകാരുണ്യ പ്രവർത്തന മേഖലകളിൽ സേവനമർപ്പിച്ച പ്രമുഖരെ ചടങ്ങിൽ ആദരിക്കും. യു.എ.ഇയുടെ വിവിധ ഭാഗങ്ങളിലുള്ള മംഗൽപാടി പഞ്ചായത്തുകാരും, കെ.എം.സി.സി നേതാക്കളും സംബന്ധിക്കുമെന്ന് ഭാരവാഹികൾ അറിയിച്ചു.