ബന്തിയോട് (www.mediavisionnews.in): കഞ്ചാവ് ലഹരിയില്‍ ബഹളമുണ്ടാക്കിയ സംഘത്തെ ചോദ്യം ചെയ്ത വ്യാപാരിയെ മര്‍ദ്ദിച്ചതായി പരാതി. ഉപ്പളയിലെ സോപ്പ് കട വ്യാപാരി പെരിങ്കടിയിലെ അബ്ദുല്‍ മുനീറി(28)നാണ് മര്‍ദ്ദനമേറ്റത്.
കുമ്പള സഹകരണ ആസ്പത്രിയില്‍ പ്രവേശിപ്പിച്ചു. ഇന്നലെ രാത്രി 11 മണിയോടെ കടയടച്ച് വീട്ടിലേക്ക് പോകുന്ന വഴിയില്‍ ഒരു സംഘം കഞ്ചാവ് വലിച്ച് ബഹളമുണ്ടാക്കിയിരുന്നുവത്രെ.
ഇതേ കുറിച്ച് ചോദ്യം ചെയ്തതിന് അഞ്ചംഗ സംഘം ഇരുമ്പ് വടികൊണ്ട് അടിച്ചുപരിക്കേല്‍പ്പിക്കുകയായിരുന്നുവെന്നാണ് പരാതി. കുമ്പള പൊലീസ് കേസെടുത്ത് അന്വേഷിക്കുന്നു.