ബന്തിയോട്(www.mediavisionnews.in): ബന്തിയോട് മുട്ടം ഗേറ്റിന് സമീപം ദേശിയ പാതയിൽ സ്കൂട്ടറും കർണ്ണാടക ട്രാൻസ്പോർട്ട് ബസ്സും കൂട്ടിയിടിച്ച് യുവാവ് മരിച്ചു. മഞ്ചേശ്വരം ഉദ്യാവരയിലെ അബ്ദുൽ ഖാദറിന്റെ മകൻ അബ്ദുൽ ബാസിത് (22) ആണ് മരിച്ചത്. കൂടെയുണ്ടായിരുന്ന 12 വയസുള്ള മുഹമ്മദ് എന്ന കുട്ടിക്ക് ഗുരുതരമായി പരിക്കേറ്റു. കുട്ടിയെ മംഗളൂരുവിലെ ആശുപത്രിയില്‍ പ്രവേശിപ്പിച്ചു. ശനിയാഴ്ച വൈകിട്ട് അഞ്ചു മണിയോടെ ഷിറിയ ദേശീയപാതയിലാണ് അപകടമുണ്ടായത്. മംഗളൂരുവിൽ നിന്ന് വരികയായിരുന്ന കര്‍ണാടക കെ എസ് ആര്‍ ടി സി ബസിനടിയിലേക്ക് സ്കൂട്ടർ പാഞ്ഞുകയറിയാണ് മരണം സംഭവിച്ചത്.