ഉപ്പള(www.mediavisionnews.in):: ഹൊസങ്കടി ചെക്ക് പോസ്റ്റിന് സമീപം കാറിലിടിച്ച് നിയന്ത്രണം വിട്ട് ലോറി പുഴയിലേക്ക് മറിഞ്ഞ് ഡ്രൈവർക്ക് ഗുരുതരം. മഞ്ചേശ്വരം ഹൊസബെട്ടു സ്വദേശി മഞ്ജുനാഥയ്ക്കാണ് ഗുരുതരമായി പരിക്കേറ്റത് . വെള്ളിയാഴ്ച വൈകുന്നേരം 6 .30 മണിയോടെയാണ് അപകടമുണ്ടായത്. ഓടികൂടിയ നാട്ടുകാരാണ് മഞ്ജുനാഥയെ ലോറിയിൽ നിന്ന് പുറത്തെടുത്തത്. തുടർന്ന് അതുവഴി വന്ന കാസർഗോഡ് ഡി.വൈ.എസ്.പി എം.വി സുകുമാരന്റെ വാഹനത്തിൽ ഉപ്പളയിലെ സ്വകാര്യ ആശുപത്രിയിൽ എത്തിച്ചെങ്കിലും നില ഗുരുതരമായതിനാൽ മംഗളൂരു ആഹുപത്രിയിലേക്ക് മാറ്റി. അപകടത്തെ തുടർന്ന് ദേശീയപാതയിൽ ഗതാഗതം തടസ്സപ്പെട്ടു.