കുമ്പള(www.mediavisionnews.in): ഇച്ചിലംപാടി കൊടിയമ്മ സ്വദേശി ഇബ്രാഹി(35)മിനെ കാർ തടഞ്ഞുനിർത്തി ഇരുമ്പുവടി കൊണ്ടു തലയ്ക്കടിച്ചു വധിക്കാൻ ശ്രമിച്ചുവെന്ന കേസിൽ 5 പേരെ പൊലീസ് അറസ്റ്റ് ചെയ്തു. കൊടിയമ്മ സ്വദേശികളായ എ.അഹമ്മദ് നൗഫൽ(24), അബ്ദുൽ ലത്തീഫ്(24), ജാഫർ സിദ്ദീഖ്(24), മുഹമ്മദ് ജലീൽ(30), അബ്ദുല്ല ഫസൽ(24) എന്നിവരെയാണ് കുമ്പള എസ്ഐ ടി.വി.അശോകനും സംഘവും പിടികൂടിയത്.
ഇവരെ കോടതി രണ്ടാഴ്ചത്തേക്കു റിമാൻഡ് ചെയ്തു. ഓഗസ്റ്റ് 26നു കൊടിയമ്മ ജുമാഅത്ത് പള്ളിക്കു സമീപത്തായിരുന്നു അക്രമം. ജമാഅത്ത് കമ്മിറ്റിക്കെതിരായ വാട്സാപ് പ്രചാരണവുമായി ബന്ധപ്പെട്ട തർക്കമാണ് കാരണം. പ്രതികൾ സമർപ്പിച്ച ജാമ്യാപേക്ഷ ജില്ലാ കോടതിയും ഹൈക്കോടതിയും തള്ളിയിരുന്നു.