കുമ്പള(www.mediavisionnews.in): കുമ്പളയിൽ പി.മുരളീധരൻ രക്തസാക്ഷി ദിനാചരണം നടത്തി. അനുസ്മരണ യോഗം സി.പി.എം. സംസ്ഥാന കമ്മിറ്റി അംഗം സി.എച്ച്.കുഞ്ഞമ്പു ഉദ്ഘാടനംചെയ്തു. ഡി.വൈ.എഫ്.ഐ. ജില്ലാ സെക്രട്ടറി സി.ജെ. സജിത്ത്, കുമ്പള ഏരിയാ സെക്രട്ടറി സി.എ.സുബൈർ, പി.രഘുദേവൻ, സംസ്ഥാന കമ്മിറ്റി അംഗങ്ങളായ കെ.സബീഷ്, രേവതി കുമ്പള, എസ്.സുധാകരൻ എന്നിവർ സംസാരിച്ചു.
വൈകീട്ട് നൂറുകണക്കിന് പ്രവർത്തകർ അണിനിരന്ന വൈറ്റ് വൊളന്റിയർ പരേഡും പ്രകടനവും നടന്നു. മാവിനക്കട്ടയിൽനിന്ന് തുടങ്ങിയ പ്രകടനം കുമ്പള ടൗണിൽ സമാപിച്ചു. ഡി.വൈ.ഫെ.ഐ. സംസ്ഥാന കമ്മിറ്റി അംഗം സോഫിയ മെഹർ ഉദ്ഘാടനംചെയ്തു.