ഉപ്പള(www.mediavisionnews.in): പി.ബി അബ്ദുൽ റസാഖ് എം.എൽ.എയുടെ നിര്യാണത്തെ തുടർന്ന് ഉപതെരഞ്ഞെടുപ്പ് നടക്കാനിരിക്കുന്ന മഞ്ചേശ്വരം നിയമസഭാ മണ്ഡലത്തിൽ സ്ഥാനാർത്ഥി നിർണയവുമായ ബന്ധപ്പെട്ട യാതൊരു തരത്തിലുള്ള അനൗദ്യോഗിക ചർച്ചകൾ പോലും പാർട്ടിയുടെ സംസ്ഥാന, ജില്ലാ, മണ്ഡലം കമ്മിറ്റികൾ തുടങ്ങിയിട്ടില്ലെന്നും മറിച്ചുള്ള പ്രചരണങ്ങൾ അടിസ്ഥാനമില്ലാത്തതാണെന്നും മുസ്ലിം ലീഗ് മഞ്ചേശ്വരം നിയോജക മണ്ഡലം പ്രസിഡന്റ് ടി.എ മൂസയും ജന: സെക്രട്ടറി എം. അബ്ബാസും പത്രകുറിപ്പിൽ പറഞ്ഞു.
പി.ബി. അബ്ദുൽ റസാഖ് എം.എൽ.എയുടെ ആകസ്മിക നിര്യാണത്തിൽ എങ്ങും ദു:ഖം തളം കെട്ടി നിൽക്കുന്ന സാഹചര്യത്തിൽ ചില സോഷ്യൽ മീഡിയ തമ്പുരാക്കന്മാർ പടച്ചു വിടുന്ന അപവാദ പ്രചരണങ്ങളിൽ പാർട്ടി പ്രവർത്തകർ വഞ്ചിതരാവരുതെന്നും ഉചിതമായ സമയത്ത് പാർട്ടി നേതൃത്വം ഇക്കാര്യത്തിൽ ഇടപെടുമെന്നും നേതാക്കൾ പറഞ്ഞു.