ഉപ്പള(www.mediavisionnews.in): ഉപ്പള ടൗണിൽ ബസ്സ്റ്റാൻഡിലെ മുൻവശത്തുള്ള ദേശിയ പാതയിലെ കുഴിയിൽ വീണ് നിയന്ത്രണം വിട്ടു മറിഞ്ഞ് ബൈക്ക് യാത്രക്കാരനു പരുക്ക്. പച്ചിലംപാറയിലെ ഹുസൈനിനാണ് ബൈക്ക് കുഴിയിൽ വീണ് നിയന്ത്രണം വിട്ട് മറിഞ്ഞ് പരുക്കേറ്റത്. തലക്ക് പരിക്കേറ്റ ഇദ്ദേഹത്തെ ഉപ്പളയിലെ സ്വകാര്യ ആശുപത്രിയിൽ പ്രവേശിപ്പിച്ചു. റോഡ് മോശം അവസ്ഥയിലാണെന്നും അറ്റകുറ്റപ്പണി നടത്തണമെന്നും നിരന്തരമായി ആവശ്യപ്പെട്ടിട്ടും ഫലപ്രദമായ നടപടികളുണ്ടാകാത്തതിന്റെ ഇരയാണ് ഈ യാത്രക്കാരൻ.