എറണാകുളം(www.mediavisionnews.in):പെരുമ്പാവൂരിൽ ബസ്സും-കാറും കുട്ടിയിടിച്ച് അഞ്ച് പേർ മരിച്ചു.രണ്ടു പേര്‍ക്ക് പരിക്കേറ്റു. ഇടുക്കി ഏലപ്പാറ സ്വദേശികളായ ജിനീഷ് (22), വിജയൻ, കിരൺ (21), ഉണ്ണി (20), ജെറിൻ (22) എന്നിവരാണ് മരിച്ചത്. അപകടത്തിൽ ഗുരുതരമായി പരിക്കേറ്റ ജിബിൻ, സുജിത് എന്നിവരെ സമീപത്തെ ആശുപത്രിയിൽ പ്രവേശിപ്പിച്ചു. ജിബിനെ ഒമാനിലേക്ക് യാത്രയാക്കുന്നതിനായി നെടുന്പാശേരിയിലേക്ക് പോയ സംഘമാണ് അപകടത്തിൽപെട്ടത്.
അങ്കമാലിക്കും പെരുന്പാവൂരിനും ഇടയിൽ കരിക്കോട്ട് പുലര്‍ച്ചെ രണ്ടു മണിയോടെയാണ് അപകടം. ആന്ധ്രയില്‍നിന്നുള്ള അയ്യപ്പഭക്തര്‍ സഞ്ചരിച്ചിരുന്ന ബസുമായി ഇവരുടെ കാര്‍ ഇടിക്കുകയായിരുന്നു. അഞ്ചുപേരും സംഭവസ്ഥലത്തുവെച്ചുതന്നെ മരിച്ചു.
പെരുമ്പാവൂർ വല്ലത്ത് വെച്ച് ഒരു തടിലോറിയെ മറികടന്ന് എത്തിയ കാർ ബസിൽ ഇടിക്കുകയായിരുന്നുവെന്നാണ് ദൃക്സാക്ഷികൾ പറയുന്നത്. കാർ പൂർണമായും ബസിനുള്ളിലേക്ക് ഇടിച്ചു കയറി. കനത്ത മഴ രക്ഷാപ്രവർത്തനം തടസ്സപ്പെടുത്തി.