ഉപ്പള (www.mediavisionnews.in):ഉപ്പള കന്യാന അന്തർ സംസ്ഥാന പാതയിൽ കെ.എസ്.ആർ.ടി.സി സർവീസ് ആരംഭിക്കണം എന്ന് ഡി.വൈ.എഫ്.ഐ ഉപ്പള മേഖല സമ്മേളനം ആവശ്യപ്പെട്ടു. ജില്ലയിലെ തന്നെ ഏറ്റവും പ്രധാന അന്തർസംസ്ഥാന പാതയാണ് ഉപ്പള കന്യന. നിലവിൽ പ്രൈവറ്റ് ബസുകൾക്കൊപ്പം കർണാടകം ആർ.ടി.സി മാത്രമാണ് ഈ റൂട്ടിൽ സർവീസ് നടത്തുന്നത്. കേരളം ആർ.ടി.സി സർവീസ് ആരംഭിക്കുന്നത് ഈ റൂട്ടിലെ യാത്രരക്കാർക്ക് ഉപകരപ്രതമാകും എന്ന് മാത്രമല്ല നിലവിൽ പതിനായിരക്കണക്കിന് രൂപ ദിവസവും ബസുകൾക്ക് ലഭിക്കുന്നുണ്ട്. ഇത്രയും ലാഭകരമായ റൂട്ട് ആയിട്ട് കൂടെ കേരളം ആർ.ടി.സി സർവീസ് നടത്താൻ തയ്യാറാവാത്ത നിലപാട് മാറ്റാൻ കെ.എസ്.ആർ.ടി.സി തയ്യാറാവണം എന്ന് സമ്മേളന പ്രമേയത്തിലൂടെ ആവശ്യപ്പെട്ടു.
സമ്മേളനം ഡി.വൈ.എഫ്.ഐ സംസ്ഥാന കമ്മറ്റി അംഗം രേവതി കുമ്പള ഉദ്‌ഘാടനം ചെയ്തു. ശരത് പ്രവർത്തന റിപ്പോർട്ടും സാദിഖ് ചെറുകോളി സംഘടനാ റിപ്പോർട്ടും അവതരിപ്പിച്ചു. സി.പി.ഐ.എം ഉപ്പള ലോക്കൽ സെക്രട്ടറി രവീന്ദ്ര ഷെട്ടി, ഡി.വൈ.എഫ്.ഐ ബ്ലോക്ക് പ്രസിഡന്റ് പ്രശാന്ത് കനില, സി.പി.ഐ.എം ലോക്കൽ കമ്മറ്റി അംഗം ഉമേഷ് ഷെട്ടി തുടങ്ങിയവർ പങ്കെടുത്തു.
സമ്മേളനം പ്രവീണിനെ പ്രസിഡന്റ് ആയും മുഹമ്മദ് അനീസിനെ സെക്രട്ടറി ആയും തെരഞ്ഞെടുത്തു